Гарадок. Пасяўная кампанія на кантролі ў ратавальнікаў

У Гарадоцкім раёне працягваецца работа па кантролю за станам аб'ектаў пасяўной кампаніі, тэхнікі, задзейнічанай на веснавых палявых работах на палях, а таксама за станам аб'ектаў жывёлагадоўлі.

У першую чаргу прафілактычныя мерапрыемствы накіраваны на недапушчэнне выпальвання сухой расліннасці, захаванне правілаў пажарнай бяспекі пры развядзенні вогнішчаў.

У ходзе пажарна-прафілактычнай работы з работнікамі сельскагаспадарчых прадпрыемстваў праведзены інструктажы па захаванні правіл пажарнай бяспекі, праведзена навучанне карыстанню першаснымі сродкамі пажаратушэння, растлумачаны парадак дзеянні ў выпадку ўзнікнення пажару ці  іншай надзвычайнай сітуацыі.